12-fevralning e’tiborga molik yangiliklari — “Daryo”ning kechki dayjestida.
1. Islom Karimov tasdiqlagan 2016-yilgi Davlat dasturiga 7,48 trln so‘m va 194 mln dollar yo‘naltiriladi. Davlat dasturi doirasida Muruvvat uylaridagi nogiron bolalarga kunduzi qarash markazlarini tashkil etish rejalashtirilmoqda, namunaviy loyihalar asosida 13 mingta uy-joy barpo etish ko‘zda tutilgan.
2. O‘zbekistonda 7-mart dam olish kuni deb e’lon qilindi. Xalqaro xotin-qizlar kuni bilan! Aytmoqchi, 5-mart — ish kuni.
3. O‘zbekistonning nobiometrik pasporti faqat O‘zbekistonga qaytish hujjati sifatida ishlatilishi mumkin. Lekin chet elga chiqish uchun biometrik pasport bo‘lishi shart.
4. O‘zbekistonda 2016-yil birinchi choragi oxiridan istalgan plastik kartadan boshqa kartaga pul o‘tkazish imkoni taqdim etilishi kutilmoqda. Hozircha bunday imkoniyat faqat ikki bankda, faqat bank doirasida mavjud.
5. Kim Chen In Apple kompaniyasining noutbugidan foydalanishi ma’lum bo‘ldi. KXDR rahbari tushgan suratlarda Apple kompaniyasining texnika mahsulotlari borligi bundan oldin ham bir necha marotaba qayd etilgan.
Bonus — Savol-javob: Kim iqtidorliroq — chapaqaymi yo o‘naqay?
Izoh (0)