Қутқарувчилар ҳавода тўқнашиб кетган ва Лос-Анжелес бандаргоҳи (АҚШ) яқинида Тинч океанига қулаган икки кичик самолётдан бирининг бўлаклари ва икки кишининг жасадини топди. Бу ҳақда «РИА Новости» хабар бермоқда.
Лос-Анжелес округ полицияси вакилининг билдиришича, ғаввослар жасадларни бандаргоҳдан 3 километр узоқликда, 30 метр чуқурликдан топган. Уларнинг шахсини аниқлашга киришилган, қидирув ишлари эса давом эттирилмоқда.
АҚШ қирғоқ ҳимояси хизмати маълумотига кўра, тўқнашув 5 февраль, жума куни маҳаллий вақт билан 15:30 да рўй берган. Super Decathlon самолётини 72 ёшли аёл бошқарган. Бошқа самолёт бортида эса 61 ва 81 ёшли икки эркак бўлган.
Бандаргоҳга кемалар кириши вақтинча тўхтатилган.
Изоҳ (0)