Ayrim dunyo valyutalarining zaiflashishi Apple uchun salbiy ta’sir ko‘rsatmoqda: kompaniya 13 yil mobaynida birinchi marta daromadlarning pasayishini bashorat qildi. Bu haqda Apple rahbari Tim Kuk ma’lum qilgan, deya xabar beradi “RBK”.
“Kompaniya avval to‘qnash kelgan vaziyatlardan keskin farq qiladigan favqulodda holatlarda ishlashga majbur bo‘lmoqda”, — deya ta’kidlagan Tim Kuk.
Bloomberg agentligining ta’kidlashicha, valyutalar quvvatining pasayishi mahsulotlarining uchdan ikki qismi AQShdan tashqarida sotiladigan Apple uchun katta ta’sirga ega. Kuk yevro, Rossiya rubli, Buyuk Britaniya funt sterlingi, Kanada va Avstraliya dollari, Braziliya reali va Turkiya lirasi zaiflashgani Apple uchun jiddiy xavf ekanligini bildirgan.
Oldinroq Apple kompaniyasining birinchi moliyaviy chorakdagi (2015-yilning 26-dekabrida yakunlangan) daromadi 18,4 milliard dollarni tashkil etganligi ma’lum qilingandi.
Izoh (0)