Xalqaro jinoyat sudi prokuror devonxonasiga 2008-yilda Janubiy Osetiya va Gruziyada ro‘y bergan jinoyatlar yuzasidan tekshiruv ishlarini olib borishga ruxsat berdi. Bu haqda Meduza xabar qilmoqda.
Qarorda aytilishicha, jinoyatlar Gruziya hududida sodir bo‘lgan, chunki jahon hamjamiyati Janubiy Osetiyaning mustaqilligini tan olmaydi.
Jinoyatlar 2008-yil 1-iyuldan 10-oktabrgacha “xalqari harbiy mojarolar” paytida sodir bo‘lgan. Sud olti mingdan ortiq jabrlanuvchidan arizalar qabul qilgan.
Sud qarorida avgust oyida tuzilgan sulhdan keyin Rossiya harbiylari chegarada bufer zonalarini tashkil qilgani yodga olingan. Hujjatda aytilishicha, ushbu hududda yashayotgan gruzinlar sulh tuzilgandan keyin ham hujumlardan jabr ko‘rgan.
2008-yil avgustida Rossiya va Gruziya o‘rtasida harbiy mojaro yuz bergan hamda Janubiy Osetiya va Gruziya chegarasida otishma kelib chiqqan. Rasmiy ma’lumotlarga ko‘ra, RF 74 kishini yo‘qotgan. Janubiy Osetiya 32 nafar harbiy va IIV xodimini yo‘qotganini ma’lum qilgan. Gruziya 154 harbiy va 32 nafar IIV xodimini yo‘qotgan.
Janubiy Osetiya mojarolar vaqtida tinch aholi vakillaridan 1600 kishi halok bo‘lganini xabar bergan. Genotsid bo‘yicha jinoiy ish ochgan RF Tergov qo‘mitasi 162 nafar tinch aholi qurbon bo‘lganini ma’lum qilgan.
Izoh (0)