26-yanvar, seshanba kuni Voronej konsert zali ma’muriyati “epidemiologik vaziyat o‘nglanmaguncha” xodimlarga bir-biri bilan qo‘l berib ko‘rishishni taqiqlash to‘g‘risida qaror chiqardi, deb xabar qiladi TJournal.
Konsert zali direktori Igor Yanchenkoning ma’lum qilishicha, qaror 1-fevralga qadar amalda bo‘ladi. Ammo bunday qaror noyob hodisa emas. Yanchenkoning so‘zlariga ko‘ra, Voronej madaniyat departamenti epidemiyaning oldini olish uchun bir qator tadbirlar o‘tkazmoqda. Misol uchun, Yosh tomoshabinlar teatri 31-yanvargacha spektakllarni bekor qildi, maktablar esa o‘n kunga mashg‘ulotlarni to‘xtatdi.
Voronej konsert zalida 29-yanvar, juma kunigacha hech qanday tadbirlar yo‘q, shuning uchun ehtiyot choralari faqat xodimlarga tegishli. Simfonik orkestr, erkaklar xori va buxgalteriyani ham qo‘shib hisoblaganda, xodimlar soni 100 kishiga yetadi.
Izoh (0)