Mobil telefonlar va ularning ehtiyot qismlari Vyetnam eksportining 2015-yildagi asosiy daromad manbaiga aylandi: davlat bojxona boshqarmasi ma’lumotlariga ko‘ra, ularning chet elga sotuvi 28 foizga ko‘paygan va jami 30 milliard dollardan ziyod mablag‘ keltirgan. Bu haqda “TASS” xabar bermoqda.
Vyetnamda ishlab chiqarilgan telefon va smartfonlar ko‘proq Yevropa Ittifoqi, Birlashgan Arab Amirliklari va AQShda xaridorini topmoqda. Mamlakat eksporti asosini tashkil etuvchi tovarlar qatoriga tikuvchilik va to‘qimachilik mahsulotlari ham kirgan. Ularning eksporti davlat g‘aznasiga 22,8 milliard dollar keltirgan.
Izoh (0)