Ukraina hukumati “Antonov” davlat aviasoz konsernini tugatish haqida qaror qabul qildi. Bunga uning korxonalari “Ukroboronprom” mudofaa konserni tarkibiga o‘tishi sabab bo‘ldi, deb xabar beradi “Vedomosti”.
“Konsern tarkibiga kirgan uchta korxona 2015-yilning mart va iyun oylari oralig‘ida uning tarkibidan chiqib, ‘Ukroboronprom’ davlat konserni tarkibiga o‘tdi”, — deb Ukraina Iqtisodiy rivojlanish va savdo vazirligi tushuntirish berdi.
Hukumat vazirlikka tugatish komissiyasini tuzish va konsernning to‘liq tugatilishini tashkillashtirish vazifasini yukladi.
Izoh (0)