Lyudmila Putinaning turmush o‘rtog‘i deb taxmin qilinayotgan Artur Ocheretniyning Facebook’dagi sahifasida qiziqarli qayd topildi, deb yozadi “Moskovskiy komsomolets”.
2015-yil 14-aprelida Ocheretniy Facebook’dagi sahifasida ruhiy holat haqidagi testga havola ulashib, “Mening [ayolimga] yoqdi!”, degan mazmunda xabar qoldirgan.
Bu postni Lyudmila Putina “yoqdi” (like, “nravitsya”) deb belgilagan. Rossiyalik blogerlar va jurnalistlarning fikricha, Lyudmila Putinaning Facebook’dagi sahifasi haqiqiy.
58 yoshli Lyudmila Putina Shaxslararo munosabatlarni rivojlantirish markazi rahbari — 37 yoshli Artur Ocheretniyga turmushga chiqqani, shu sababli familiyasini o‘zgartirgani haqida 25-yanvar kuni xabar berildi.
26-yanvar kuni Rossiya prezidenti Vladimir Putinning matbuot kotibi Dmitriy Peskov bu xabarlar yuzasidan izoh berishdan bosh tortdi. Qayd etish joiz, Rossiya prezidenti Vladimir Putin va uning ayoli — Lyudmila Putina 2013-yilda ajrashishga qaror qilgandi. Shundan beri Putin rasman bo‘ydoq sanaladi.
Izoh (0)