Jahon banki Brent markasidagi neft narxining 2016-yildagi o‘rtacha narxi prognozini 27 foizga, barreliga 51 dollardan 37 dollarga tushirdi. Bu haqda “RBK” xabar bermoqda.
Jahon bankining Jon Baff boshchiligidagi tahlilchilari narxlarning tushishiga ta’sir ko‘rsatgan faktorlar sifatida Eron neftining kutilganidan tezroq bozorga kirib kelgani, amerikalik ishlab chiqaruvchilarning barqarorligi, xarajatlarning qisqarishi va unumdorlikning oshgani, bundan tashqari, iliq kelgan qishni keltirib o‘tdi.
“Neft narxi 2015-yilda 47 foizga tushdi, biz 2016-yilda uning yana 27 foizga tushishini kutyapmiz. Shunga qaramay, ular hozirgi eng past darajasidan sekin-asta tiklanadi”, — deyiladi bank ma’lumotnomasida.
Izoh (0)