Antarktidani bir o‘zi kesib o‘tishga harakat qilgan britaniyalik tadqiqotchi Genri Uorsli marraga yetishiga 50 kilometr qolganda olamdan o‘tdi. Bu haqda marhumning qarindoshlari ma’lum qildi, deya xabar berаdi “RIA Novosti”.
Guardian ma’lumotlariga ko‘ra, Britaniya armiyasi sobiq zobiti murakkab ob-havoga duch kelgan, havo harorati 44 daraja sovuqqacha pasaygan. Uorsli safari boshlanganidan 71 kun o‘tib, yordam haqida signal bergan. Bunga uning sillasi qurigani va organizm haddan ziyod holdan toygani sabab bo‘lgan.
22-yanvar, juma kuni 55 yoshli tadqiqotchi vertolyotda Chilidagi Punta-Arenas shahri kasalxonasiga keltirilgan va unga bakterial peritonit tashxisi qo‘yilgan. Bemor operatsiya qilindi, biroq 24-yanvar, yakshanba kuni vafot etdi.
Izoh (0)