Saudiya Arabistonida yil boshidan beri 53 kishi qatl etildi. Bu haqda “Interfaks” xabar bermoqda.
25-yanvar, dushanba kuni Jiddada qotilligi uchun o‘lim jazosi berilgan Saudiya fuqarosi Muhammad bin Avad az-Zahroniyga nisbatan hukm ijro etildi. Mamlakatda qatl asosan boshini tanasidan judo etish yo‘li bilan amalga oshiriladi.
2015-yilda Saudiya Arabistonida 153 ta qatl qayd etildi, undan bir yil oldin bu ko‘rsatkich 87 tani tashkil etgandi.
Eslatib o‘tamiz, oldinroq mamlakatda terrorizm va fitnada ayblangan 47 kishiga nisbatan o‘lim hukmi ijro etilgani, ular orasida shia ulamosi Nimr an-Nimr ham bo‘lgani haqida xabar berilgandi.
Izoh (0)