Hindiston sudi millioner Muhammad Xishomni qo‘riqchisini o‘ldirishda ayblab, umrbod qamoq jazosiga hukm qildi. Bu haqda “TASS” xabar bermoqda.
Politsiya ma’lumotlariga ko‘ra, kechki payt uyiga qaytgan badavlat hind biznesmeni, yirik tamaki va qurilish kompaniyalari egasi Muhammad Xishomni hashamatli turar-joy majmui darvozasini imillab ochgan qo‘riqchi g‘azabini keltirgan. Millioner Hummer avtomobilida uni quvishga tushadi, yetib olgach esa, mashinasi bilan devorga qisadi. Shundan so‘ng Xishom avtomobildan tushib, uni armatura bilan ham uradi. Yoshi 50 da bo‘lgan qo‘riqchi kasalxonaga yetkazildi, biroq jonlantirish bo‘limida yuragi to‘xtab qolib, olamdan o‘tdi.
Bu millionerning qonun bilan bog‘liq birinchi muammosi emas: Muhammad Xishomga nisbatan 2013-yilda 9 yoshli o‘g‘liga “Ferrari” boshqaruvini ishonib topshirgani uchun jinoiy ish ochilgandi.
Izoh (0)