Qohirada 21-yanvar, payshanba kuni ro‘y bergan portlash oqibatida 10 kishi halok bo‘ldi. Ulardan yetti nafari politsiyachi, uch kishi esa tinch aholi vakili ekanligi aytilmoqda, yana 13 kishi jarohat olgan, deya xabar beradi “TASS”.
Hodisa poytaxtning Giza tumanida, ehromlarga olib boruvchi Haram ko‘chasi yaqinidagi ko‘p qavatli uyda joylashgan xonadonlardan birida sodir bo‘ldi. Politsiyaga ushbu binoda portlovchi qurilmalar tayyorlashni yo‘lga qo‘ygan terrorchilar guruhi haqida ma’lumot beriladi. Qo‘lga olish guruhi xonadonga bostirib kiradi va u yerda bir necha qo‘lbola portlovchi qurilma borligini aniqlaydi. Bombalardan birini zararsizlantirish chog‘ida kuchli portlash sodir bo‘ladi.
Voqea joyida sapyorlar va tibbiy xodimlar ishlamoqda. Portlash tufayli binoning bir qismi vayron bo‘lgan. Kuch tizimi xodimlari hodisa ro‘y bergan joyni o‘rab oldi, yaqin atrofdagi barcha ko‘chalardan chiqish yo‘llari to‘sib qo‘yilgan.
Izoh (0)