Ҳиндистон суди миллионер Муҳаммад Хишомни қўриқчисини ўлдиришда айблаб, умрбод қамоқ жазосига ҳукм қилди. Бу ҳақда «ТАСС» хабар бермоқда.
Полиция маълумотларига кўра, кечки пайт уйига қайтган бадавлат ҳинд бизнесмени, йирик тамаки ва қурилиш компаниялари эгаси Муҳаммад Хишомни ҳашаматли турар-жой мажмуи дарвозасини имиллаб очган қўриқчи ғазабини келтирган. Миллионер Hummer автомобилида уни қувишга тушади, етиб олгач эса, машинаси билан деворга қисади. Шундан сўнг Хишом автомобилдан тушиб, уни арматура билан ҳам уради. Ёши 50 да бўлган қўриқчи касалхонага етказилди, бироқ жонлантириш бўлимида юраги тўхтаб қолиб, оламдан ўтди.
Бу миллионернинг қонун билан боғлиқ биринчи муаммоси эмас: Муҳаммад Хишомга нисбатан 2013 йилда 9 ёшли ўғлига «Ferrari» бошқарувини ишониб топширгани учун жиноий иш очилганди.
Изоҳ (0)