19-yanvar, seshanba kuni Rossiya prezidenti Vladimir Putin Yevropa yahudiylar kongressi vakillari bilan uchrashdi. Bu haqda “RBK” xabar bermoqda.
Uchrashuvda kongress prezidenti Vyacheslav Kantor Putinga Yevropada aksilsemit kayfiyatlar oshib borayotganidan shikoyat qilib, yahudiylar bilan bog‘liq vaziyatga “Ikkinchi jahon urushi yillaridan beri eng yomoni”, deya baho berdi. Bunga javoban Putin yahudiylarga Rossiyaga ko‘chib o‘tishni taklif etdi. “Sovet Ittifoqi paytida mamlakatni tark etishgandi, endi qaytishsin”, — deya ta’kidlagan davlat rahbari.
Kantor Putinning taklifini “mutlaqo yangi g‘oya”, deb atadi va mazkur masala kongressda muhokama etilishini bildirdi.
Izoh (0)