“Toza qo‘llar” birlashmasi Kataloniya hukumati raisi Karles Puchdemon va muxtoriyat parlamenti rahbari Karme Forkadel ustidan Ispaniya prokuraturasiga shikoyat bilan chiqdi, deb xabar qiladi “TASS”.
Birlashmaning fikricha, Puchdemon parlament oldida qasamyod qabul qilayotganida, Kataloniya rasmiylari o‘z majburiyatlarini buzgan. Joriy yilning 12-yanvar kuni viloyatning yangi yetakchisi qirol Filipp VI ga ham, Ispaniya konstitutsiyasiga ham sodiqlikka qasam ichmagan. Inauguratsiya marosimida Forkadel Puchdemondan “Siz Kataloniya hukumati raisi majburiyatlarini vijdonan bajarishga va parlament ifoda etuvchi Kataloniya xalqi istaklariga sodiq bo‘lishga qasamyod qilasizmi?”, deb so‘ragan. Viloyat rahbari esa “Qasamyod qilaman”, deb javob bergan.
Parlament oldida chiqish qilar ekan, Kataloniyaning mustaqilligi tarafdori bo‘lgan 53 yoshli siyosatchi hududga hamma ishonadigan va bergan va’dasi ustidan chiqadigan parlament kerakligini ta’kidlab o‘tdi.
Eslatib o‘tamiz, Puchdemon oldinroq Kataloniya hukumati viloyatning Ispaniya tarkibidan chiqishini bir tomonlama tartibda e’lon qilmasligini ma’lum qilgandi.
Izoh (0)