19-yanvar, seshanba kuni AQShning Merilend shtati, Chillum shahridagi uylardan birida sodir bo‘lgan yong‘in oqibatida 4 kishi, jumladan, 2 nafar ikki yoshli bola nobud bo‘ldi. Bu haqda huquq-tartibot idoralari vakillari ma’lum qilgan, deya xabar beradi “TASS”.
Vakillarning ma’lumotiga ko‘ra, yong‘in tunda ro‘y bergan. Uyda besh kishi — ikki nafar bola, ularning onasi va ayolning ota-onasi bo‘lgan. Keksalar o‘t o‘chiruvchilar kelguncha halok bo‘lgan, bolalar esa kasalxonaga yetkazilgan, biroq ularni qutqarishning iloji bo‘lmagan. Ayol o‘zini derazadan pastga tashlab, omon qolgan va og‘ir bo‘lmagan jarohat olgan.
Yong‘in sababi o‘rganilmoqda, qasddan o‘t qo‘yish taxmin sifatida ko‘rilmagan.
Izoh (0)