Tokio va Kavasaki shaharlarining sohillari joylashgan Tokio ko‘rfazida 32 metrli tanker falokatga uchradi. “TASS”ning NHK’ga asoslanib xabar berishicha, tankerning yuk kemasi bilan to‘qnashuvi natijasida dengizga neft mahsulotlari sizib chiqa boshlagan.
Sohil qo‘riqlash xizmati yaqin oradan suzib o‘tayotgan barcha kemalarni falokat hududidan uzoqlashish haqida ogohlantirgan. Dastlabki ma’lumotlarga ko‘ra, avariyaga uchragan tankerga 92 tonnagacha mahsulot ortilgan bo‘lishi mumkin.
Kemaga egalik qiluvchi kompaniya vakillarining ma’lum qilishicha, kema surtiladigan moy olib ketayotgan edi. Avariya yuz bergan vaqtda tanker langar tashlab, ko‘rfazda to‘xtab turgan bo‘lgan. To‘qnashuvdan so‘ng katta tezlikda cho‘kishni boshlagan.
Kema falokati natijasida hech kim zarar ko‘rmagan, tanker ekipajining uch a’zosi qutqarib qolingan.
Izoh (0)