Токио ва Кавасаки шаҳарларининг соҳиллари жойлашган Токио кўрфазида 32 метрли танкер фалокатга учради. «ТАСС»нинг NHK’га асосланиб хабар беришича, танкернинг юк кемаси билан тўқнашуви натижасида денгизга нефть маҳсулотлари сизиб чиқа бошлаган.
Соҳил қўриқлаш хизмати яқин орадан сузиб ўтаётган барча кемаларни фалокат ҳудудидан узоқлашиш ҳақида огоҳлантирган. Дастлабки маълумотларга кўра, аварияга учраган танкерга 92 тоннагача маҳсулот ортилган бўлиши мумкин.
Кемага эгалик қилувчи компания вакилларининг маълум қилишича, кема суртиладиган мой олиб кетаётган эди. Авария юз берган вақтда танкер лангар ташлаб, кўрфазда тўхтаб турган бўлган. Тўқнашувдан сўнг катта тезликда чўкишни бошлаган.
Кема фалокати натижасида ҳеч ким зарар кўрмаган, танкер экипажининг уч аъзоси қутқариб қолинган.
Изоҳ (0)