Suriya muxolifati, isyonchi guruhlardan biri “Jaysh al-Islom” (“Islom armiyasi”)ning qo‘mondoni o‘ldirilgani Suriyadagi muzokaralar jarayoniga salbiy ta’sir qilishi mumkinligi haqida ogohlantirdi, deb yozadi “RBK”.
Suriya muxolifatining muzokaralar bo‘yicha oliy qo‘mitasi koordinatori Riyod Hijob Zaxran Allushning o‘ldirilishi jiddiy hodisa ekanligi va Suriyadagi siyosiy jarayonga ta’sir o‘tkazishini aytdi.
Uning so‘zlariga ko‘ra, isyonchilar yetakchisiga berilgan zarba Suriya muxolifatining Ar-Riyoddagi anjumanda tashkil qilingan muzokaralar oliy qo‘mitasiga qaratilgan.
Hijob Allushning o‘ldirilishi Suriyadagi tartibga solish jarayonida aynan qanday oqibatlarga olib kelishiga aniqlik kiritmadi.
Eslatib o‘tamiz, 25-dekabr, juma kuni Damashq yaqinida “Jaysh al-Islom” guruhi yetakchisi Zaxran Allush o‘ldirilgan edi. Damashqdan 12 kilometr uzoqlikda bo‘lgan Duma shahri atrofidagi Otaya aholi punktida joylashgan jangarilar shtabiga uyushtirilgan aviahujumlar natijasida jami 90 nafar jangari o‘ldirilgan va jarohat olgan. Allushdan tashqari, yana bir jangari guruh — “Feylak Rahmon” qo‘mondoni Abdulnosir Shamir ham yo‘q qilingan.
Keyinroq “Jaysh al-Islom” guruhi Allush o‘rniga yangi rahbar sayladi. “Al-Mayadin” telekanalining ma’lum qilishicha, Allush o‘rnini Abu Ximam Buyadan egallagan.
Izoh (0)