26-dekabr, shanba kuni Kongo Demokratik Respublikasi sharqidagi Beni shahrida Kongo armiyasi va “Demokratik kuchlar alyansi” guruhi jangarilari o‘rtasida bo‘lib o‘tgan otishma natijasida uch nafar tinch aholi vakili halok bo‘ldi. Bu haqda “TASS” xabar bermoqda.
Kongo qurolli kuchlari leytenenti Mak Xazuka ma’lum qilishicha, otishmada uch askar yaralangan.
Kongo Demokratik Respublikasi armiyasi “Demokratik kuchlar alyansi” nuqtalariga o‘tgan yil boshida hujum boshlagan edi. Harakat aksilhukumat tashkiloti sifatida Ugandada 1995-yilda paydo bo‘lgan, so‘ng Kongoga ko‘chgan edi. Benida guruh isyonchilari qo‘lidan yuzlab kishilar halok bo‘lgan.
Izoh (0)