“Kurdiston ozodligi qirg‘iylari” guruhi 23-dekabr kuni Istanbuldagi Sabiha Go‘kchen nomli aeroportda yuz bergan portlash uchun javobgarlikni o‘z zimmasiga oldi. Bu haqda “TASS” xabar bermoqda.
Kurd jangarilari terakt minomyot hujumi yordamida amalga oshirilganini da’vo qilmoqda. Aeroport hududiga minomyot snaryadi kelib tushgan bo‘lishi mumkinligi to‘g‘risida terakt kuni Haberturk telekanali ham ma’lum qilgan, biroq rasmiylar mazkur xabarni tasdiqlamagandi.
Portlash Turkiyaning Pegasus Airlines aviakompaniyasi samolyotlari turgan hududda sodir bo‘lgan. Buning oqibatida aeroportning ikki nafar xodimi yaralangan, ulardan biri — 30 yoshli Zuhra Yamach kasalxonada hayotdan ko‘z yumgan.
Izoh (0)