Yevropa Chempionlar Ligasining guruh bosqichida so‘nggi 6-tur o‘yinlari bo‘lib o‘tdi, deb xabar beradi “Olamsport”.
Londonning “Chelsi” klubi o‘z maydonida Portugaliyaning “Portu” jamoasini 2:0 hisobida mag‘lub etdi. Guruhning ikkinchi o‘yinida Ukrainaning “Dinamo” jamoasi Isroilning “Makkabi”sidan 1:0 hisobida ustun keldi. Bu guruhdan “Chelsi” va “Dinamo” klublari pley-offga yo‘l oldi.
Londonning “Arsenal” jamoasi qiyin vazifani uddaladi. Gretsiyada “Olimpiakos” klubi mehmoni bo‘lgan “kanonirlar” 3:0 hisobida zafar quchdi. Uchrashuvda xet-trikka erishgan Olivye Jiru o‘yin qahramoni bo‘lish bilan birga jamoasini nimchorak finalga olib chiqdi.
Ikkinchi tarkib bilan Leverkuzenga tashrif buyurgan “Barselona” klubi Germaniyaning “Bayer”i bilan 1:1 hisobida durang o‘ynadi. Lionel Messi o‘yinda hisobni ochuvchi golga mualliflik qildi. Guruhning ikkinchi o‘yini kutilmagan natija bilan yakunlandi. Rimning “Roma” jamoasi o‘z maydonida Belarus chempioni BATEni yenga olmadi – 0:0. Shunga qaramay, rimliklar pley-offga chiqa oldi.
Guruhning 5 ta o‘yinida g‘alabaga erishgan Rossiyaning “Zenit” klubi zafarli yurishini davom ettira olmadi. Belgiyaning “Gent” jamoasi mehmoni bo‘lgan piterliklar 1:2 hisobida mag‘lub bo‘ldi.
YeChL, 6-tur.
E guruhi
Roma (Italiya) – BATE (Belarus) 0:0 (0:0)Bayer (Germaniya) – Barselona (Ispaniya) 1:1 (1:1)Gollar: 0:1 – 20 Messi, 1:1 – 23 Ernandes.
F guruhi
Dinamo (Zagreb, Xorvatiya) – Bavariya (Germaniya) 0:2 (0:0)Gollar: 0:1 – 61 Levandovski, 0:2 – 64 Levandovski.Olimpiakos (Gretsiya) – Arsenal (Angliya) 0:3 (0:1)Gollar: 0:1 – 29 Jiru, 0:2 – 49 Jiru, 0:3 – 67, penalti Jiru.
G guruhi
Chelsi (Angliya) – Portu (Portugaliya) 2:0 (1:0)Gollar: 1:0 – 12, avtogol Markano, 2:0 – 52 Villian.Dinamo (Kiyev, Ukraina) – Makkabi (Tel-Aviv, Isroil) 1:0 (1:0)Gol: 1:0 – 16 Garmash.
H guruhi
Gent (Belgiya) – Zenit (Rossiya) 2:1 (1:0)Gollar: 1:0 – 18 Depuatr, 1:1 – 65 Zyuba, 2:1 – 78 Milichevich.Valensiya (Ispaniya) – Lion (Fransiya) 0:2 (0:1)Gollar: 0:1 – 37 Korne, 0:2 – 76 Lakasett.
Izoh (0)