“Sports.ru” nashri tomonidan Rossiya chempionatida to‘p suradigan futbolchilar oladigan maosh bo‘yicha navbatdagi yil reytingi ma’lum qilindi, deb xabar beradi “Uff.uz”.
Unga ko‘ra, “Zenit” hujumchisi Xalk 7 million yevro maosh bilan birinchi o‘rinni olgan. Aleksandr Kokorin va Esekiel Garay esa 5 million yevro maosh bilan 2—3-o‘rinlarni bo‘lishib olgan. To‘rtinchi o‘rin yiliga 4,5 million yevro maosh oladigan Xavi Garsiyaga nasib qilgan.
Ushbu ro‘yxatdan “Krasnodar” yarim himoyachisi Odil Ahmedov ham o‘rin olgan. O‘zbekiston terma jamoasi sardori yiliga 1,7 million yevro maosh oladi va bu borada “Dinamo” futbolchisi Aleksandr Byuttner va “Spartak” a’zosi Yevgeniy Makeyev bilan birgalikda 55-o‘rinni egallab turibdi.
O‘zbekiston terma jamoasining yana bir a’zosi, Moskvaning “Lokomotiv” klubi himoyachisi Vitaliy Denisov 71 futbolchidan iborat ro‘yxatdan o‘rin olmadi.
Izoh (0)