Европа Чемпионлар Лигасининг гуруҳ босқичида сўнгги 6-тур ўйинлари бўлиб ўтди, деб хабар беради «Оламспорт».
Лондоннинг «Челси» клуби ўз майдонида Португалиянинг «Порту» жамоасини 2:0 ҳисобида мағлуб этди. Гуруҳнинг иккинчи ўйинида Украинанинг «Динамо» жамоаси Исроилнинг «Маккаби»сидан 1:0 ҳисобида устун келди. Бу гуруҳдан «Челси» ва «Динамо» клублари плей-оффга йўл олди.
Лондоннинг «Арсенал» жамоаси қийин вазифани уддалади. Грецияда «Олимпиакос» клуби меҳмони бўлган «канонирлар» 3:0 ҳисобида зафар қучди. Учрашувда хет-трикка эришган Оливье Жиру ўйин қаҳрамони бўлиш билан бирга жамоасини нимчорак финалга олиб чиқди.
Иккинчи таркиб билан Леверкузенга ташриф буюрган «Барселона» клуби Германиянинг «Байер»и билан 1:1 ҳисобида дуранг ўйнади. Лионель Месси ўйинда ҳисобни очувчи голга муаллифлик қилди. Гуруҳнинг иккинчи ўйини кутилмаган натижа билан якунланди. Римнинг «Рома» жамоаси ўз майдонида Беларусь чемпиони БАТЭни енга олмади – 0:0. Шунга қарамай, римликлар плей-оффга чиқа олди.
Гуруҳнинг 5 та ўйинида ғалабага эришган Россиянинг «Зенит» клуби зафарли юришини давом эттира олмади. Бельгиянинг «Гент» жамоаси меҳмони бўлган питерликлар 1:2 ҳисобида мағлуб бўлди.
ЕЧЛ, 6-тур.
E гуруҳи
Рома (Италия) – БАТЭ (Беларусь) 0:0 (0:0)Байер (Германия) – Барселона (Испания) 1:1 (1:1)Голлар: 0:1 – 20 Месси, 1:1 – 23 Эрнандес.
F гуруҳи
Динамо (Загреб, Хорватия) – Бавария (Германия) 0:2 (0:0)Голлар: 0:1 – 61 Левандовски, 0:2 – 64 Левандовски.Олимпиакос (Греция) – Арсенал (Англия) 0:3 (0:1)Голлар: 0:1 – 29 Жиру, 0:2 – 49 Жиру, 0:3 – 67, пенальти Жиру.
G гуруҳи
Челси (Англия) – Порту (Португалия) 2:0 (1:0)Голлар: 1:0 – 12, автогол Маркано, 2:0 – 52 Виллиан.Динамо (Киев, Украина) – Маккаби (Тел-Авив, Исроил) 1:0 (1:0)Гол: 1:0 – 16 Гармаш.
H гуруҳи
Гент (Бельгия) – Зенит (Россия) 2:1 (1:0)Голлар: 1:0 – 18 Депуатр, 1:1 – 65 Зюба, 2:1 – 78 Миличевич.Валенсия (Испания) – Лион (Франция) 0:2 (0:1)Голлар: 0:1 – 37 Корне, 0:2 – 76 Лакасетт.
Изоҳ (0)