O‘zbekiston tashqi savdo kompaniyalari vakillaridan iborat delegatsiya Tojikistonda bo‘ldi
5-dekabr, shanba kuni Dushanbeda Tojikiston Savdo-sanoat palatasi raisi Sharif Said “O‘zmarkazimpeks”, MarkazSanoatExport va Uzprommashimpeks vakillaridan iborat O‘zbekiston delegatsiyasi bilan uchrashdi. Bu haqda Uzdaily xabar bermoqda.
Muzokaralar chog‘ida O‘zbekiston va Tojikiston vakillari ikki mamlakat o‘rtasidagi savdo-iqtisodiy munosabatlar holati va kelajagi yuzasidan fikr almashdi. Shuningdek, O‘zbekiston va Tojikiston ishbilarmonlari o‘rtasida aloqalarni yo‘lga qo‘yish, Dushanbeda O‘zbekiston savdo uyini ochish masalalari ham muhokama etildi.
O‘zbekiston vakillari ularning kompaniyalari qo‘shni mamlakatga oziq-ovqat, qishloq xo‘jaligi, elektrotexnika, kimyo sanoati, to‘qimachilik mahsulotlari, qurilish materiallari, mineral o‘g‘itlar va boshqa tovarlar yetkazib berishga tayyor ekanligini bildirdi.
