5 декабрь, шанба куни Душанбеда Тожикистон Савдо-саноат палатаси раиси Шариф Саид «Ўзмарказимпэкс», MarkazSanoatExport ва Uzprommashimpeks вакилларидан иборат Ўзбекистон делегацияси билан учрашди. Бу ҳақда Uzdaily хабар бермоқда.
Музокаралар чоғида Ўзбекистон ва Тожикистон вакиллари икки мамлакат ўртасидаги савдо-иқтисодий муносабатлар ҳолати ва келажаги юзасидан фикр алмашди. Шунингдек, Ўзбекистон ва Тожикистон ишбилармонлари ўртасида алоқаларни йўлга қўйиш, Душанбеда Ўзбекистон савдо уйини очиш масалалари ҳам муҳокама этилди.
Ўзбекистон вакиллари уларнинг компаниялари қўшни мамлакатга озиқ-овқат, қишлоқ хўжалиги, электротехника, кимё саноати, тўқимачилик маҳсулотлари, қурилиш материаллари, минерал ўғитлар ва бошқа товарлар етказиб беришга тайёр эканлигини билдирди.
Изоҳ (0)