Marziya Afham Eronning birinchi ayol elchisiga aylandi, deya xabar bermoqda “TASS”. U Islom Respublikasining Malayziyadagi elchisi lavozimiga tayinlangani haqida mamlakat prezidenti Hasan Ruhoniy e’lon qildi.
“IRNA” agentligi yozishicha, prezident Ruhoniy 5-dekabr, shanba kuni Eron tashqi ishlar vazirligi sobiq matbuot kotibi Marziya Afham Malayziyadagi Eron diplomatik missiyasi rahbarligiga tayinlanganini ma’lum qilgan. “Shu tariqa, u Islom Respublikasi tarixida elchi lavozimiga tayinlangan birinchi ayolga aylandi”, — deyiladi xabarda.
Eron vazirlar mahkamasi rahbari Marziya Afhamning ushbu ishga qo‘yilishiga “mamlakatda eronlik ayollar uchun imkoniyatlarning namoyon bo‘lishi sifatida qaralishi kerak”ligini ta’kidladi.
Izoh (0)