Марзия Афҳам Эроннинг биринчи аёл элчисига айланди, дея хабар бермоқда «ТАСС». У Ислом Республикасининг Малайзиядаги элчиси лавозимига тайинлангани ҳақида мамлакат президенти Ҳасан Руҳоний эълон қилди.
IRNA агентлиги ёзишича, президент Руҳоний 5 декабрь, шанба куни Эрон ташқи ишлар вазирлиги собиқ матбуот котиби Марзия Афҳам Малайзиядаги Эрон дипломатик миссияси раҳбарлигига тайинланганини маълум қилган. «Шу тариқа, у Ислом Республикаси тарихида элчи лавозимига тайинланган биринчи аёлга айланди», — дейилади хабарда.
Эрон вазирлар маҳкамаси раҳбари Марзия Афҳамнинг ушбу ишга қўйилишига «мамлакатда эронлик аёллар учун имкониятларнинг намоён бўлиши сифатида қаралиши керак»лигини таъкидлади.
Изоҳ (0)