Qirg‘izistonda ekstremistik ko‘rinishlarning oldini olish maqsadida din ishlari bo‘yicha davlat komissiyasi qoshida diniy vaziyatni o‘rganish markazi tashkil etildi. Bu haqda komissiya rahbari O‘rozbek Moldaliyev mamlakat prezidenti Almazbek Atambayev bilan uchrashuvi chog‘ida ma’lum qildi, deya xabar beradi “RIA Novosti”.
“Dunyoda ro‘y berayotgan voqealardan kelib chiqib, xavf-xatarlarning oldini olish maqsadida mamlakatda diniy vaziyatni o‘rganish bo‘yicha ishlarni kuchaytirish lozim”, — deya ta’kidlagan Atambayev.
Davlat komissiyasi ma’lumotlariga ko‘ra, olti million aholisi bor Qirg‘izistonda 2,4 mingdan ziyod diniy tashkilot mavjud. Jumladan, 1700 dan ortiq masjid, 10 ta oliy islom o‘quv yurti, 70 ta madrasa faoliyat ko‘rsatmoqda. Shuningdek, 378 ta nasroniy yo‘nalishdagi diniy muassasalar ham ro‘yxatdan o‘tgan.
Izoh (0)