KXDR yetakchisi Kim Chen Inga uning yangi Vonsan aeroportiga tashrifi chog‘ida suiqasd uyushtirmoqchi bo‘lishgan. Soqchilar binodan portlovchi qurilmalarni topgan va safarni bekor qilgan. Bu haqda Pxenyandagi anonim manbaga tayanib, “Ozod Osiyo” radiosi xabar berdi, deb yozadi “Segodnya.ua”.
Oktabr boshida Kim Chen In Koreya Mehnat partiyasining 70 yilligiga atab qurilgan yangi obyektlarni shaxsan ko‘zdan kechirayotgan edi. Vonsan shahridagi yangi Kalma aeroportiga ham safar uyushtirilishi rejalashtirilgan, biroq tekshiruv chog‘ida aeroport tomidan har biri 200 grammlik 100 ga yaqin dinamit shashkasi topilgan.
Shu tufayli, Kim Chen Inning aeroportga safari bekor qilingan, soqchilik xizmati esa tekshiruv ishlarini boshlagan. Tekshiruv hamon davom etayotgani uchun Kalma aeroporti ishga tushganicha yo‘q.
Izoh (0)