Туркия Сурия билан чегаранинг ИШИД назорат қилаётган қисмини ёпишдан бош тортди. Айни пайтда чегаранинг 98 километри жангарилар назорати остида ва Туркия уларни имкон қадар мустаҳкамлашга ҳаракат қилмоқда. Бу ҳақда The Hurriyet Daily News манбаларига таяниб, «Сегодня.ua» хабар берди.
Туркия бош вазири Аҳмет Давутўғлининг билдиришича, чегарани ёпиш учун мамлакат 30 мингдан зиёд аскар ажратиши ва ҳар уч метрда қоровул миноралари ўрнатиши лозим. Туркия бюджети бундай харажатларни кўтаролмайди. Ундан ташқари, чегарани оммавий равишда кесиб ўтаётган қочоқларни қабул қилишда муаммо туғилади. Турк расмийлари ИШИД бу чораларни тажовузкорона ҳаракат сифатида баҳолаши ва қарши чоралар қўллашидан ҳам хавфсирамоқда.
Эслатиб ўтамиз, олдинроқ АҚШ Туркиядан Сурия билан чегарани ёпиш ва ҳарбий контингент жойлаштиришни талаб қилгани ҳақида хабар берилган эди.
Изоҳ (0)