Turkiya Suriyadagi etnik turkmanlar yashovchi hududlarga aviazarbalar berilishini shoshilinch muhokama etishga chaqirib, BMT Xavfsizlik kengashiga maktub jo‘natdi. Bu haqda “TASS” xabar bermoqda.
Mamlakat bosh vaziri Ahmet Davuto‘g‘li mazkur mavzu yuzasidan AQSh Davlat kotibi Jon Kerri bilan muloqotda bo‘lgan va tashqi ishlar vazirligiga ushbu yo‘nalishdagi diplomatik urinishlarni kuchaytirish yuzasidan ko‘rsatma bergan.
Anqara Suriya shimoli-g‘arbida joylashgan Bayirbujak mintaqasidagi turkman qishloqlariga Rossiya aviatsiyasi tomonidan zarba berilayotganini da’vo qilmoqda. Shu munosabat bilan Rossiyaning mamlakatdagi elchisi Andrey Karlov Turkiya tashqi ishlar vazirligiga chaqirilgan va unga Rossiyadan mazkur amaliyotlarni zudlik bilan to‘xtatish talab qilinishi yetkazilgan.
Izoh (0)