AQSh Birlashgan Arab Amirliklari kosmik agentligiga amerikalik astronavtlar bilan Oyda bo‘lib qaytgan o‘z bayrog‘ini sovg‘a qildi, deya xabar bermoqda “RIA Novosti”.
Bayroqni rasman topshirish marosimi Dubai Airshow aviasalonida bo‘lib o‘tdi, unda BAA kosmik agentligi birinchi marta qatnashdi. Bayroqni AQShning BAAdagi kosmik loyihalar va dasturlarni qo‘llab-quvvatlashi belgisi sifatida taqdim etishdi.
Eslatib o‘tamiz, 2015-yil yozida Birlashgan Arab Amirliklarida Fazoviy tadqiqotlar markazi ta’sis etildi. Barcha loyihalar rahbari va mutasaddisi etib Dubayning valiahd shahzodasi shayx Hamdan bin Muhammad bin Rashid al Maxtum tayinlandi. Agentlik BAAning kosmik dasturlari bilan shug‘ullanib, kosmik zondni uchirish loyihasini amalga oshiradi.
Izoh (0)