12,03 qirotli, ajoyib yorqin-moviy rangga ega, Blue Moon (“Moviy oy”) deya nom olgan brilliantli uzuk Jenevadagi Sotheby's auksionida rekord summa — 48,63 million dollarga sotildi. Bu haqda “Vedomosti” xabar berdi.
Uning taxminiy qiymati 34,2—53,7 million dollar atrofida baholanayotgan edi. Xaridor nomini oshkor etmaslikni ma’qul ko‘rdi. Oldingi, narx bo‘yicha bundan ham yuqori rekord 2013-yil noyabrida Shveysariyada bo‘lib o‘tgan Sotheby's savdolarida o‘rnatilgandi. O‘shanda Graff Pink pushti brillianti 83 million dollarga sotilgan.
Blue Moon 2014-yil yanvarida Janubiy Afrikadagi kondan topilgan olmosdan ishlangan.
Izoh (0)