Venesuela prezidenti Nikolas Maduro va uning rafiqasi Siliya Floresning qarindoshlari narkotiklar savdosida gumon qilinib, qo‘lga olindi va 10-noyabr, seshanba kuni AQShga keltirildi. Bu haqda “Tengrinews.kz” xabar bermoqda.
The Wall Street Journal ma’lumotlariga ko‘ra, birinchi xonimning qarindoshi ekanligi taxmin qilinayotgan Franki Fransisko Flores-de-Freytas va o‘zini prezident Maduroning o‘gay o‘g‘li sifatida tanishtirgan sherigi Efren Antonio Kampo-Flores mahalliy politsiya tomonidan Port-o-Prensda hibsga olingan va AQSh narkotiklarga qarshi kurash boshqarmasiga topshirilgan.
Flores-de-Freytas va Kampo-Flores AQShga 800 kilogramm kokain jo‘natish maqsadida til biriktirishda ayblanmoqda. Ular 12-noyabr, payshanba kuni Nyu-York sudi qarshisida javob berishi kutilmoqda.
Izoh (0)