АҚШ Бирлашган Араб Амирликлари космик агентлигига америкалик астронавтлар билан Ойда бўлиб қайтган ўз байроғини совға қилди, дея хабар бермоқда «РИА Новости».
Байроқни расман топшириш маросими Dubai Airshow авиасалонида бўлиб ўтди, унда БАА космик агентлиги биринчи марта қатнашди. Байроқни АҚШнинг БААдаги космик лойиҳалар ва дастурларни қўллаб-қувватлаши белгиси сифатида тақдим этишди.
Эслатиб ўтамиз, 2015 йил ёзида Бирлашган Араб Амирликларида Фазовий тадқиқотлар маркази таъсис этилди. Барча лойиҳалар раҳбари ва мутасаддиси этиб Дубайнинг валиаҳд шаҳзодаси шайх Ҳамдан бин Муҳаммад бин Рашид ал Махтум тайинланди. Агентлик БААнинг космик дастурлари билан шуғулланиб, космик зондни учириш лойиҳасини амалга оширади.
Изоҳ (0)