JCh—2018 ikkinchi saralash bosqichi doirasidagi KXDRga qarshi o‘yin oldidan O‘zbekiston terma jamoasi hujumchisi Aleksandr Geynrix o‘z fikrlari bilan o‘rtoqlashdi, deb xabar beradi “Championat.asia”.
“Bizni juda qiyin va o‘ta muhim uchrashuv kutib turibdi. KXDRga qarshi o‘yinga jiddiy tayyorgarlik ko‘rmoqdamiz. Bu jamoa haqida yetarlicha ma’lumotlarga egamiz. KXDRni sinchikovlik bilan o‘rganib chiqdik. Raqibning kuchli va kuchsiz taraflari haqida xabardormiz. Bu o‘yinda o‘zimizning futbolni namoyish etishimiz lozim bo‘ladi. Bizga faqat g‘alaba zarur.
KXDRga qarshi dastlabki o‘yindagi mag‘lubiyat? Bir narsa deyish qiyin. Safardagi o‘yinda boshqa murabbiy bo‘lgandi, shuningdek, safda men bo‘lmaganman. Shu boisdan nega aynan mag‘lubiyatga uchraganimiz haqida biror fikr bildira olmayman. O‘sha uchrashuv yozuvini disk orqali tomosha qilgandim. Futbolchilar sun’iy qoplamali maydon bo‘lgani, yo‘ldagi uzoq parvozlar tufayli charchoq alomatlari o‘z ta’sirini ko‘rsatganini aytib o‘tgandi. Birinchi davradagi o‘yinda bizga qiyin bo‘lgan bo‘lsa, endi ularga undanda qiyinroq bo‘ladi. Muxlislarimizdan esa stadionga tashrif buyurib jamoamizni qo‘llab-quvvatlashlarini so‘rab qolaman”, — deydi Aleksandr Geynrix.
Eslatib o‘tamiz, O‘zbekiston — KXDR uchrashuvi 12-noyabr kuni soat 18:00 da “Paxtakor” stadionida bo‘lib o‘tadi.
Izoh (0)