O‘zbekistonning eng tajribali ayol tennischisi Oqgul Omonmurodova Tailandning Xua Xin shahrida start olgan “Chellenjer” turkumiga kiruvchi turnirdagi ishtirokini g‘alaba bilan boshladi, deb xabar beradi “Olamsport”.
Oqgul mukofot jamg‘armasi 125 ming AQSh dollarini tashkil etuvchi musobaqaning yakkalik bahslari ilk bosqichida koreyalik Su Jeo Jangni 4:6, 6:3, 6:2 hisobida mag‘lub etdi. Omonmurodovaning ikkinchi davradagi raqibasi xitoylik Fangjou Liu bo‘ladi.
Taqqoslash uchun, Liu dunyo reytingida 167, Omonmurodova esa 297-o‘rinni egallab turibdi. O‘zbekistonlik tennischi juftliklar musobaqasida ham o‘z omadini sinovdan o‘tkazadi.
Izoh (0)