NASA shafeligida o‘tkazilgan tadqiqotlar Yerning janubiy qutbida muzliklar maydoni va hajmi qisqarmayotgani, aksincha, keyingi 10 ming yil mobaynida to‘plangan qor hisobiga vaqtincha ortib borayotganini ko‘rsatdi. Bu haqda tashkilot matbuot xizmatiga tayanib, “RIA Novosti” xabar bermoqda.
NASA tadqiqotchilari 1992—2008-yillarda iqlimni o‘rganuvchi sun’iy yo‘ldoshlar yordamida olingan ma’lumotlar asosida Antarktika muzliklari yangi ming yillikka qadar har yili 112 milliard tonna, 2003—2008-yillarda esa 82 milliard tonnaga ko‘payganini aniqlagan.
Ma’lum bo‘lishicha, bunga qor sabab bo‘lgan. Sharqiy va markaziy Antarktikada oxirgi 10 ming yil davomida to‘plangan qor har yili taxminan 200 milliard tonna muzni qo‘shib borgan.
Izoh (0)