Romanovlar imperatorlik uyi a’zolarining halok bo‘lishi bilan bog‘liq yangi irsiy tekshiruvlar doirasida yaqin orada imperator Aleksandr Uchinchining jasadi qoldiqlari ekspertizasi boshlanishi mumkin. Bu haqda Rossiya Tergov qo‘mitasi kriminalistika bosh boshqarmasi katta tergovchi-kriminalisti Vladimir Solovev ma’lum qildi, deya xabar beradi Interfax.
“Shu haftada Petropavlovsk cherkovida Aleksandr Uchinchining mozorini ochish yuzasidan ishlar boshlanishi ehtimoldan xoli emas”, — deya ta’kidlagan Solovev.
Eslatib o‘tamiz, oldinroq Rossiya Tergov qo‘mitasi Romanovlar imperatorlik uyi a’zolarining halok bo‘lishi bilan bog‘liq jinoiy ish yuzasidan tekshiruvlarni qaytadan boshlashga qaror qilgani haqida xabar berilgandi. Mazkur tekshiruvlar valiahd Aleksey Romanov va malika Mariya Romanova jasadlarining haqiqiy ekanligini tasdiqlash uchun o‘tkazilmoqda. Ularning jasadlari qoldig‘i ayni paytda Rossiya davlat arxivida saqlanmoqda.
Izoh (0)