Petrozavodskda istiqomat qiluvchi Katerina Gyunninen so‘nggi lahzada “Kogalimavia” aviakompaniyasining Misrda halokatga uchragan reysi bilan uchish fikridan qaytgan edi. Bu haqda “Gazeta.ru” xabar bermoqda.
Misrga borishdan uch kun avval Katerina hordiqqa Sankt-Peterburg bilan emas, balki Moskva orqali uchishga qaror qilgan. Aks holda, u va uning dugonasi Shimoliy Sinayda qulagan samolyotda Rossiyaga qaytishi kerak bo‘lardi.
Ayol Moskvadan uchuvchi reyslarning chiptalari narxi 12 ming rublga arzonroq bo‘lgani sabab, “Kogalimavia”da uchmaslikka qaror qilgan edi.
https://www.youtube.com/watch?v=bvUWRixuDmE
Eslatib o‘tamiz, Metrojet (“Kogalimavia”) aviakompaniyasining Sharm-ash-Shayxdan Sankt-Peterburgga uchayotgan Airbus A321 layneri 31-oktabr, shanba kuni Shimoliy Sinayda quladi. Samolyot bortida bo‘lgan 224 kishining barchasi halok bo‘lgan.
Izoh (0)