Dunyodagi korrupsiya ko‘lami trillionlab dollarlarni tashkil etmoqda va bu barcha mamlakatlar uchun jiddiy xavf. Bu haqda BMT narkotiklar va jinoyatchilikka qarshi kurash boshqarmasi direktori Yuriy Fedotov jurnalistlarga ma’lum qildi, deya xabar beradi “RIA Novosti”.
“Korrupsiya ko‘lami ko‘plab trillion dollardan iborat. Rivojlanayotgan mamlakatlarda korrupsiya tufayli 40 milliard dollar yo‘qolmoqda. Bu mablag‘ maktab, kasalxonalar qurish, yo‘llarni yaxshilashga emas, aksar transmilliy uyushgan jinoyatchilik tomonidan foydalanilmoqda”, — deya ta’kidlagan Fedotov Sankt-Peterburgda o‘tayotgan BMTning korrupsiyaga qarshi Konvensiyasiga a’zo davlatlar konferensiyasida.
Eslatib o‘tamiz, BMTning mazkur Konvensiyasiga 177 davlat qo‘shilgan, ular tomonidan ikki yilda bir marta korrupsiyaga qarshi kurash masalalari muhokama etiladigan konferensiya o‘tkaziladi. 2-noyabr, dushanba kuni Sankt-Peterburgda o‘z ishini boshlagan anjuman 6-noyabrga qadar davom etadi.
Izoh (0)