Oktabr oyida Yevropaga O‘rtayer dengizi orqali 218 mingdan ziyod muhojir va qochoqlar yetib keldi, deya xabar bermoqda “Yevropeyskaya Pravda” BMTning qochoqlar ishi bo‘yicha boshqarmasi matbuot kotibi Adrian Edvardsga tayanib.
Shu tariqa, oktabr migratsiya bo‘yicha rekord o‘rnatilgan oy bo‘ldi — oy davomida Yevropaga kelgan muhojirlar soni butun o‘tgan yil davomida kuzatilgan ko‘rsatkich bilan qariyb teng bo‘ldi.
BMT ma’lumotlariga ko‘ra, oktabrda Yevropaga 218 394 kishi kelgan bo‘lsa, o‘tgan yil davomida jami 219 ming kishi kelgan. Mutlaq ko‘pchilik muhojirlar Gretsiyaga joylashgan.
Izoh (0)