Osiyo taraqqiyot banki (OTB) Afg‘onistonning iqtisodiy, energetika va xususiy sektoriga 858 million dollar investitsiya kiritish rejasini e’lon qildi. Bu haqda “TASS” xabar bermoqda.
Mazkur reja to‘g‘risida Afg‘oniston moliya vaziri birinchi o‘rinbosari Mustafo Masturning Filippin poytaxti Manilada joylashgan OTB shtab-kvartirasiga tashrifi doirasida ma’lum qilingan. Vazir o‘rinbosari bu yerda bank prezidenti Takexiko Nakao bilan uchrashgan.
Ta’kidlanishicha, OTB va boshqa donor mamlakatlar salkam 1 milliard dollarni Afg‘onistonda iqtisodiy o‘sishni ta’minlash, elektr energiyasi uzatish imkoniyatini kuchaytirish, xususiy biznesni jonlantirish, zamonaviy infratuzilmani barpo etishga sarflashni ko‘zlamoqda.
Mazkur grant 2017—2020-yillarga mo‘ljallangan.
Izoh (0)