Осиё тараққиёт банки (ОТБ) Афғонистоннинг иқтисодий, энергетика ва хусусий секторига 858 миллион доллар инвестиция киритиш режасини эълон қилди. Бу ҳақда «ТАСС» хабар бермоқда.
Мазкур режа тўғрисида Афғонистон молия вазири биринчи ўринбосари Мустафо Мастурнинг Филиппин пойтахти Манилада жойлашган ОТБ штаб-квартирасига ташрифи доирасида маълум қилинган. Вазир ўринбосари бу ерда банк президенти Такэхико Накао билан учрашган.
Таъкидланишича, ОТБ ва бошқа донор мамлакатлар салкам 1 миллиард долларни Афғонистонда иқтисодий ўсишни таъминлаш, электр энергияси узатиш имкониятини кучайтириш, хусусий бизнесни жонлантириш, замонавий инфратузилмани барпо этишга сарфлашни кўзламоқда.
Мазкур грант 2017—2020 йилларга мўлжалланган.
Изоҳ (0)