Misrda halokatga uchragan Metrojet (“Kogalimavia”) aviakompaniyasiga tegishli A321 samolyotining “qora qutilari” texnik jihatdan biroz zararlangan. Bu haqda Rossiya Transport vaziri Maksim Sokolov ma’lum qildi, deya xabar bermoqda “Kommersant”.
“Qora qutilar” texnik jihatdan biroz zararlangan. Biroq, Misr tomoni aytganidek, termik ta’sir bo‘lgan emas”, — dedi Rossiya Transport vaziri. Uning qo‘shimcha qilishicha, “qora qutilar” muhrlangan va hali ochilgani yo‘q.
Eslatib o‘tamiz, 31-oktabr, shanba kuni Misrda Metrojet (“Kogalimavia”) aviakompaniyasining Sharm-ash-Shayxdan Sankt-Peterburgga uchayotgan Airbus A321 layneri halokatga uchradi. Samolyot bortida bo‘lgan 224 kishining barchasi halok bo‘ldi. Aviahalokatga texnik nosozliklar sabab bo‘lgan bo‘lishi mumkin.
Izoh (0)