AQShning Pensilvaniya shtatida Xellouin kuni bolalarga ichiga igna solingan shokolad batonchiklari sovg‘a qilindi. Bu haqda, Tengrinews xabariga ko‘ra, hududiy politsiya departamentining Facebook’dagi sahifasida axborot berilgan.
Huquqni muhofaza qilish organlari ma’lumotlariga ko‘ra, 31-oktabr kuni noma’lum shaxslar voyaga yetmagan shaxslarga ichi ignaga o‘xshash buyumlar to‘ldirilgan Twix batonchiklarini sovg‘a qilgan. Bolalar shu kuni an’anaviy bayram “hadyalari”ni yig‘ib yurgan edi.
Shirinliklar tekshirish uchun ekspertizaga yuborilgan. Politsiyachilar yuz bergan hodisa tafsilotlarini o‘rganib chiqadi. Huquq-tartibot xodimlari barcha ota-onalarni bayramdan so‘ng bolalarda qolgan barcha shirinliklarni yig‘ib, tekshirib ko‘rishga chaqirmoqda.
Izoh (0)