АҚШнинг Пенсильвания штатида Хэллоуин куни болаларга ичига игна солинган шоколад батончиклари совға қилинди. Бу ҳақда, Tengrinews хабарига кўра, ҳудудий полиция департаментининг Facebook’даги саҳифасида ахборот берилган.
Ҳуқуқни муҳофаза қилиш органлари маълумотларига кўра, 31 октябрь куни номаълум шахслар вояга етмаган шахсларга ичи игнага ўхшаш буюмлар тўлдирилган Twix батончикларини совға қилган. Болалар шу куни анъанавий байрам «ҳадялари»ни йиғиб юрган эди.
Ширинликлар текшириш учун экспертизага юборилган. Полициячилар юз берган ҳодиса тафсилотларини ўрганиб чиқади. Ҳуқуқ-тартибот ходимлари барча ота-оналарни байрамдан сўнг болаларда қолган барча ширинликларни йиғиб, текшириб кўришга чақирмоқда.
Изоҳ (0)