Rossiyada 1-noyabrdan e’tiboran Ukraina fuqarolari uchun ularning Rossiyaga kirishi bilan bog‘liq imtiyozli tartib bekor qilindi. Bu haqda “Gazeta.ru” xabar bermoqda.
Imtiyozli shartlar Ukraina janubi-sharqidan kelgan qochoqlar uchun saqlanib qoladi. Qolgan ukrainaliklar ishlash uchun patent, vaqtincha yashash uchun ruxsatnoma va boshqa shu kabi ruxsat beruvchi hujjatlarsiz Rossiya hududida 180 kun davomida jami 90 kundan ortiq bo‘lishi mumkin emas.
“Rossiya hududida mehnat faoliyatini olib borayotgan va o‘zining qonuniy yashashini uzaytirishni istagan Ukraina fuqarolari patent olishni so‘rab Rossiya Federal migratsiya xizmati (FMX)ga murojaat qilishlari kerak”, — dedi Rossiya FMX rahbari Konstantin Romodanovskiy.
Uning qo‘shimcha qilishicha, 1-noyabrdan so‘ng Ukraina fuqarolarida Rossiya hududidagi huquqiy yoki mehnat maqomini rasmiylashtirish uchun 30 kun muddat bo‘ladi. “1-dekabrdan boshlab qoidabuzarlarga nisbatan ma’muriy, xususan, kirishni taqiqlash choralari ko‘rilishi boshlanadi”, — deya qo‘shimcha qildi FMX rahbari.
Izoh (0)